Тұман, көктайғақ, бұрқасын: 2 қаңтарға арналған ауа райы болжамы

"Қазгидромет" 2 қаңтарға арналған ауа райы болжамын жариялады. Оған сәйкес республика бойынша тұман, көктайғақ, бұрқасын және екпінді жел болады деп күтілуде.

Атлантикалық циклонның және онымен байланысты атмосфералық фронттардың әсерінен Қазақстан Республикасының барлық аумағында ауа райының тұрақсыз сипаты сақталуда.

Жауын-шашын (көбінесе қар) түседі, батыста қар жауады деп күтілуде. Тек елдің оңтүстігінде, оңтүстік-батысында, оңтүстік-шығысында күн жауын-шашынсыз болады. Республика бойынша тұман, көктайғақ, бұрқасын, екпінді жел болады деп болжануда.

Абай облысының батысында, солтүстігінде, орталығында, Жамбыл облысының оңтүстік-батысында, таулы аудандарында, таңертең және күндіз Ақмола облысының солтүстігінде, шығысында кей уақыттарда 30 м/с және одан да жоғары қатты жел күтіледі.