Қазақстанның оңтүстік өңірлерінің тұрғындары жер сілкінісін сезді

2024 жылғы 11 қаңтарда Алматы уақыты бойынша 15 сағат 20 минут 32 секундта жер сілкінісі тіркелді. Ол Ауғанстан аумағында болған, деп хабарлайды ҚР ТЖМ "СТӘЭ" ЖШС-не сілтеме жасаған KAZ.NUR.KZ.

ЖШС ресми сайтындағы мәлімет бойынша, жер сілкінісінің эпицентрі Ауғанстан аумағында Алматыдан оңтүстік-батысқа қарай 856 км жерде орналасқан.

Жер сілкінісінің энергетикалық класы 13.6. MPV магнитудасы - 6.4. Тереңдігі - 180 км. Сезілуі туралы мәліметтер (МЅК-64 шкаласы бойынша): Шымкент, Жамбыл - 2 балл.

Айта кетейік, Қазақстанда бұрынғы КСРО-дағыдай MSK-64 12 балдық сейсмикалық шкаласы қолданылады. Осы шкаладағы қарқындылықтың максималды мәні - 12 балл.

Басқа елдерде қарқындылықты бағалау үшін әртүрлі шкалалар қолданылады. Мысалы, Жапонияда олар сейсмикалық қарқындылықтың 7 балдық шкаласын (JMA) пайдаланады.

АҚШ пен Еуропада 12 балдық ММ шкаласы қолданылады (өзгертілген Меркалли шкаласы). Бұл жағдайда 2 балдық жер сілкінісі әрең сезіледі. Тербелістерді ғимараттардың жоғарғы қабаттарындағы кейбір адамдар ғана сезінеді.