Талдықорғанда өтіп бара жатқан адам 10 жасар қызды зорлық-зомбылықтан құтқарып қалды

Талдықорғанда өтіп бара жатқан адам 10 жасар қызды құтқарып қалғаны белгілі болды. Күдікті бұған дейін де зорлауға әрекеттенгені үшін ұсталған. Жағдайға қатысты Жетісу облыстық полиция департаменті түсінік берді, деп хабарлайды KAZ.NUR.KZ.

Белгілі болғандай, қыздың анасы Талдықорған ПБ арыз түсірген. Ол 17 қаңтарда белгісіз ер адам оның 10 жасар қызын зорламақ болғанын хабарлады.

"Бала болған жағдайды анасына айтқан. Қорыққан 10 жасар қыз қоңырау шалып, балабақша жанында белгісіз ер адам тиісуге әрекет жасағанын хабарлады. Өлтірем деп қорқытқан ер адам қызға үндемеуді бұйырған. Шалбарын шешіп, баламен жыныстық қатынасқа түсейін деп жатқанда, өтіп бара жатқан адам көмекке келді", - деп жазды журналист Сандуғаш Дүйсенов Facebook парақшасында.

Бұл факт қалалық полиция басқармасында ресми түрде тіркелді.

"Жедел-іздестіру іс-шаралары барысында жеке құрам құрылып, ықшамауданның айналасы қоршауға алынды. Полиция қызметкерлерінің күшімен 19 жастағы күдікті анықталып, ұсталды. Қазіргі уақытта ол уақытша ұстау изоляторына қамалды", - деп хабарлады Жетісу облыстық полиция департаменті.

Қазіргі таңда қылмыстық іс қозғалып, қажетті сараптамалар тағайындалды. Тергеуді облыстық полиция департаменті ерекше бақылауға алды.

Тергеу мүддесіне сәйкес басқа ақпарат жария етілмейді.