Статистика: Қазақстанда әйелдер ең аз тұратын ауыл бар

Қазақстанда ең көп және ең аз әйелдер тұратын ауылдар аталды. DATA HUB Powered by FCBK сарапшыларының мәліметі бойынша, Қазақстанда ерлерге қарағанда әйелдер көп, деп хабарлайды KAZ.NUR.KZ.

DATA HUB Powered by FCBK деректері бойынша, Қазақстандағы әйелдердің үлесі халықтың 51,2 пайызына тең. Халықаралық әйелдер күні қарсаңында сараптамалық Telegram-арна қызық деректерді жариялады.

Арна мәліметінше, әйелдердің ең көп үлесі бар елді мекен - Абай облысындағы Шүлбі кенті. Онда әйелдердің үлесі жалпы халықтың 56,3 пайызын алып отыр.

Ең аз әйелдер – Жезқазған ауылында Ұлытау облысындағы осы аттас қаланың маңында. Ондағы әйелдердің үлесі бүкіл халықтың төрттен бір бөлігі ғана (25 пайыз) екен.

Сонымен қатар Қазақстандағы әйелдердің орташа айлық жалақысы да айтылды. Жалпы бұл көрсеткіште әйелдердің табысы ерлерге қарағанда 21 пайызға төмен.

Алайда кейбір салаларда әйелдер әлі алда: мысалы телерадио хабарларында әйелдердің орташа жалақысы 8,7 пайызға, қауіпсіздікті қамтамасыз ету секторында – 17 пайызға, мектепке дейінгі білім беруде - 37,5 пайызға артық.

Елдегі жұмыспен қамтылған әйелдердің жартысы тек үш секторда – білім беру, сауда, ауыл шаруашылығында жұмыс істейді. Ал ең матриархалдық қала Шымкент екені аталған.