23 наурызда Астанада кей нысандар мен тұрғын үйлерде бір сағатқа жарық өшіріледі

23 наурызда сағат 20:30-дан 21:30-ға дейін "Жер сағаты" халықаралық экологиялық акциясына байланысты елордадағы кей нысандер мен тұрғын үйлерде бір сағатқа жарық өшіріледі. Бір сағат бойы жарық болмайтын ғимараттар тізімін елорда әкімдігі жариялады, деп хабарлайды KAZ.NUR.KZ.

Әкімдік мәліметінше, 23 наурызда сағат 20:30-дан 21:30-ға дейін "Жер сағаты" халықаралық экологиялық акциясы өтеді. Бұл күні әлемнің мыңдаған түрлі сәулет нысандары мен ғимараттарында жарық бір сағатқа өшіріледі.

"Жер сағаты" науқаны кезінде WWF планетаның болашағына қамқорлық белгісі ретінде жарықтар мен тұрмыстық электр құрылғыларын бір сағатқа өшіруге шақырады.

2024 жылы Қазақстанда "Жер сағат"» еліміздің табиғатын сақтау тақырыбына арналған.

"Біз Қазақстанның барлық тұрғынын саналы таңдау жасауға – қоршаған ортаға көмектесуге шақырамыз", - делінген хабарламада.

Астана қаламсы әкімдігі акцияға мына нысандар қолдау білдіргенін, бұл ғимараттарда 1 сағатқа жарық өшірілетінні мәлімдеді.

1) Астана қаласының әкімдігі (Бейбітшілік көшесі, 11); 2) Астана қаласы Сарыарқа ауданының әкімдігі (Сарыарқа даңғылы, 13); 3) Бейбітшілік, 9 мекенжайындағы әкімшілік ғимарат; 4) Е.Рахмадиева атындағы Мемлекеттік академиялық филармония (Кенесары к-сі, 32); 5) М.Өтемісов атындағы Оқушылар сарайы (Мәмбетова к-сі, 1); 6) "Гранд Алатау" тұрғын үй кешені (Желтоқсан көшесі 2, 2/1, 2/2, 2/3); 7) "Арман" тұрғын үй кешені (Жеңіс даңғылы, 1) 8) "Престиж" тұрғын үй кешені (Желтоқсан көшесі, 1); 9) "Radisson Hotel Astana" (Сарыарқа даңғылы, 4) 10) "Riverside Apartments" тұрғын үй кешені (Сарыарқа даңғылы, 8); 11) "Park Inn by Radisson" қонақ үйі (Сарыарқа даңғылы, 8а); 12) "Симфония" тұрғын үй кешені (Сарыарқа даңғылы, 1); 13) "Болашақ" тұрғын үй кешені (Сарыарқа даңғылы, 3); 14) "Сана" тұрғын үй кешені (Шевченко к-сі, 8); 15) "Эдель" тұрғын үй кешені (Сарыарқа даңғылы, 5); 16)"Кенесары" тұрғын үй кешені (Сарыарқа даңғылы, 11); 17) Абай даңғылы, 13, әкімшілік ғимарат 18) Сарыарқа даңғылы, 17 мекенжайы бойынша тұрғын үй ғимараты; 19) "Шаңырақ" жатақханасы (Сарыарқа даңғылы, 42, 44); 20) "Свечки" тұрғын үй кешені (Бөгенбай батыр 28, 30); 21) "KERUEN CITY" ЖШС; 22) "Астана-Бәйтерек" монументі; 23) "Қазмедиа орталығы" телерадиокешені; 24) Нұр-Әлем мұражайының павильоны; 25) Бейбітшілік және келісім сарайы; 26) "Әзірет Сұлтан" мешіті; 27) Қазақстан Республикасының Ұлттық мұражайы; 28) Республикалық Бас мешіт; 29) "Айланд" отбасылық ойын-сауық орталығы; 30) "Астана Балет" ЖШС; 31) "ҚазМұнайГаз" ҰК; 32) "Қазақ елі" монументі; 33) "Мәңгілік Ел" салтанатты аркасы.

"Жер сағаты" — Дүниежүзілік жабайы табиғат қорының (WWF) демеушілігімен өтетін жыл сайынғы халықаралық шара, оған әлемнің түкпір-түкпірінен 2 миллиардтан астам адам қатысады. Бұл әртүрлі елдердің миллиондаған адамдары 1 сағатқа жарық пен электр құралдарын өшіретін, әлемнің мыңдаған сәулет ескерткіштері жарықтарын өшіретін уақыт.

Акцияның мақсаты – табиғатқа және планета ресурстарына жауапкершілікпен қарау қажеттілігіне назар аудару.