Көкшетауда көпқабатты үйлердің ауласынан адамдарды қайықпен алып шығып жатыр (фото, видео)

Көкшетауда су тасқынына қарсы жұмыстар жүргізілуде. Жеке үйлер ғана емес, көпқабатты үйлер де судан зардап шекті. Тіпті адамдарды қайықтарға мінгізіп шығаруда, деп хабарлайды KAZ.NUR.KZ ҚР ТЖМ-ге сілтеме жасап.

Ведомствоның ресми Telegram-каналында хабарланғандай, Көкшетауда жергілікті билік пен ТЖМ күшімен су тасқынына қарсы жұмыстар жүргізілуде. Бұл жұмыстарға Мәлік Ғабдуллин атындағы Азаматтық қорғаныс академиясының курсанттары да тартылды.

"Өзен жағасынан судың шығуына байланысты 8 жеке үй, 28 жеке аула аумағы және 7 көпқабатты тұрғын үй ауласына су кірді", – деп хабарлады ТЖМ өкілдері.

Қазіргі уақытта жағалауды нығайту жұмыстары жүргізілуде, 150 метр нығайтылды, 280 тонна инертті материал құйылды, 110 метр каналдар мен арықтар кеңейтілді және тереңдетілді, 310 қап жиналды және төселді, еріген судың 1000 текше метрден астамы айдалды. ТЖД, Азаматтық қорғаныс академиясының, жергілікті әкімдіктің және ПД күштерімен 260 адам және 90-ға жуық техника су айдау жұмыстары жүргізілуде.

Әлеуметтік желіде құтқарушылардың көпқабатты тұрғын үйден жергілікті тұрғындарды қайықпен эвакуациялап жатқан видеосы тарап жатыр.

"Жарайсыңдар! Рахмет! Мен балконнан олардың қарттарды да, балаларды да қалай көтеріп жүргенін көрдім", – деп жазды жергілікті тұрғын. Ол Теміржолшылар аллеясының маңында тұратынын атап өтті.

Ақмола облысында күрт жылудың салдарынан қар тез ери бастады. Бүгін Көкшетау өзеніндегі су деңгейі көтерілгені хабарланды. №12 орта мектеп жанындағы жол көпірінің үстінен асқан су жақын маңдағы бірнеше ғимаратты басып қалды.

Бұған дейін Көкшетауда "Бірлік" ықшамауданындағы оқушылар көктемгі демалысқа байланысты болмаған №22 орта мектепті су басқаны белгілі болған. Қазір мектеп жертөлесіндегі судың айдалып біткені атап өтілді.