"8-15 миллион теңге": Бишімбаев сотта ай сайынғы табысын жариялады

Астанада экс-министр Қуандық Бишімбаев пен Гастроорталық директоры Бақытжан Байжановқа қатысты сот процесі жалғасуда. Бұрынғы ұлттық экономика министрі әйелін өлтірді деп айыпталуда, деп хабарлайды KAZ.NUR.KZ тілшісі.

Жәбірленушінің адвокаты Бишімбаевтан Нүкеновамен бірге тұрған кезінде қанша жалақы алғанын сұрады.

"Мен ресми тіркелген жерде – айына 1 миллион теңге", - деп жауап берді Бишімбаев.

Бұдан кейін адвокат айыпталушының бұған дейін Нүкеноваға айына 3-4 миллион теңгеге жуық ақша бөлетінін айтқанын еске салды.

"Бұл менің жалақым (айына 1 миллион теңге – редактордың ескертпесі), ал менің табысым мейрамхананың табысына байланысты 8-15 миллион теңге аралығында болды", - деп түсіндірді айыпталушы.

Осыдан кейін Бишімбаев BAU мейрамханасын басқаратынын және оған иелік ететінін түсіндірді. Ал Гастроорталық акцияларының бірі Бишімбаевтың анасына тиесілі.

"Ол жерде бірнеше серіктес бар", - деді Бишімбаев.

Қылмыс Бишімбаевтың мейрамханасында болды деп айтуға бола ма деген сұраққа сотталушы: "Иә, бәрі солай жазып жатыр" деп жауап берді.