Қазақстанда резервтегі 80-нен астам кен орны аукционға шығарылады

2024 жылдың маусым айының соңына қарай Қазақстан резервтегі 83 пайдалы қазбалар кен орнын аукционға шығаруды жоспарлап отыр. Бұл туралы 24.KZ телеарнасы хабарлады.

Телеарна мәліметінше, табиғи шикізатты өндіретіндер үшін орташа өңдеу деңгейінен төмен емес өнім өндіру, сондай-ақ аймақтарға әлеуметтік аударымдар міндетті шарт.

Геология комитеті жеке инвесторлар келешегі бар жер қойнауын іздеуге инвестициялауға қызығушылықтары артып отырғанын хабарлады.

Мамандардың айтуынша, жер қойнауын пайдалануға инвестицияны арттыру үшін еліміздің барлық аумағы мемлекеттік қорды басқару бағдарламасына енгізілген. Орташа барлау мерзімі 10 жылға дейін созылуы мүмкін. Жалпы алғанда, мемлекет балансында пайдалы қазбалардың 103 түрі бойынша тоғыз мыңнан астам кен орны бар.

Сондай-ақ ведомство өкілі Қазақстанның шикізат қоры 100 жылға дейін жетуі мүмкін екенін атап өтті.

"Өкінішке қарай, ірі кен орындарының дәуірі аяқталып келеді, біз қазір жүздеген және мыңдаған метр тереңдікте орналасқан күрделі, көрінбейтін кен орындарын зерттеп жатырмыз. Бұл жерде жаңа тәсілдерді қолданып, жаңа тәуекелдермен жұмыс істеуді үйренуіміз керек", - дейді ӨҚМ Геология комитетінің төрағасы Ерлан Ақбаров.