"Азаматтық қоғам жеңіп жатыр": Ксения Собчак Салтанат Нүкенованың ісіне қатысты пікір білдірді

Ресейлік тележүргізуші және журналист Ксения Собчак Қазақстанға жасаған сапары туралы пікір білдірді. Ол елде салауатты феминизмге, бауырластық пен өзара көмекке орын бар екенін атап өтті, деп жазады KAZ.NUR.KZ.

Собчак Қазақстанда жиі болатынын және қазақстандық әйелдердің көп жұмыс істеп, тәуелсіздікке, әйелдер теңдігіне ұмтылатынын айтты.

"Бірақ сонымен бірге елде "ұят" деген түсінік бар... Осының аясында консервативті нормалардан кез келген ауытқу үшін әйелді ұялта бастайды. Қысқа белдемшемен көшеге шықтың ба? Ұят. Бірнеше ер адам көңіл білдіре ме? Ұят. Қол көтерген күйеуден кетіп қалды ма? Ұят. Бұл моральдық зорлық-зомбылыққа ұшыраған әйелдерге қосымша қысым жасайды", - деді Собчак.

Оның айтуынша, осылайша аға буын белгілі бір әдептілік шеңберін қалыптастырды, бірақ қазір қыздар "үй тирандарына қарсы науқанға бірігіп қана қоймай, арнайы заңның қабылдануына да қол жеткізді".

"Жалпы, қазір Қазақстанда Салтанат ісі аясында өзгеше істер болып жатыр. Мүмкін біз тыныш төңкерістің куәсі болып жатқан шығармыз, азаматтық қоғам жеңіп жатыр", - деді Ксения Собчак.