Тазалық ауладан басталады: Шымкентте көгалдандыру жұмыстары жүріп жатыр
Жарияланған күні:
!["Таза Қазақстан" акциясы "Таза Қазақстан" акциясы](https://cdn.nur.kz/images/1120x630/f4cb5ab1e6f4ef38.jpeg)
Шырайлы Шымкент қаласы күн өткен сайын гүлденіп келеді. Өйткені жылдағыдай емес, абаттандыру, көгалдандыру жұмыстарына қызметкерлерден бөлек, қала тұрғындары да бір кісідей атсалысуда.
Бұл аптада "Өнегелі ұрпақ" науқаны бойынша ауқымды істер жүзеге асқан. Соның бірі Әл-Фараби ауданына қарасты "Достық ауласында" ұйымдастырылды. Қазыбек би 6 көшесіндегі тұрғын-үй алқабының көлемі үлкен және ардагерлер көп. Сондықтан осы аумақта тазалау жұмыстарын жүргізу жоспарланған. Шараға 10-нан аса техника мен 200-ге жуық қызметкер жұмылдырылып белгіленген нысанды толықтай тазартты.
!["Таза Қазақстан" акциясы "Таза Қазақстан" акциясы](https://cdn.nur.kz/images/1120/43f2df5ec0851dda.jpeg)
!["Таза Қазақстан" акциясы "Таза Қазақстан" акциясы](https://cdn.nur.kz/images/1120/0d0d36a27776ce3a.jpeg)
"Таза Қазақстан" акциясы басталғалы оң өзгерістерді байқаймыз. Халық көп шоғырланатын орындарда тазалық деңгейі біршама өскен. Қуантарлығы бұл шараға ЖОО-ның студенттері көп қатысады. Жастардың белсендігілі тек оқу-ғылымнан емес, қоғамдық жұмыстардан да жоғары деңгейде көрінуде. Ұрпағымыздың саналы, тәрбиелі, тазалыққа жақын болуы үшін біздер әрқашан үлгі болатын игі істердің басы-қасында жүруіміз керек", - дейді қалалық мәслихаттың депутаты Төреайым Сұлтанова.
!["Таза Қазақстан" акциясы "Таза Қазақстан" акциясы](https://cdn.nur.kz/images/1120/8710341f2ac48910.jpeg)
Өнегелі істі дәріптеу тек бір күнмен шектелмесі анық. Алдағы уақытта қала тұрғындарына қуаныш сыйлағын акция жалғасын таба бермек.
!["Таза Қазақстан" акциясы "Таза Қазақстан" акциясы](https://cdn.nur.kz/images/1120/2ffac55ebc32df15.jpeg)
Мақаланың түпнұсқасы: https://kaz.nur.kz/society/2094689-tazalyq-auladan-bastalady-shymkentte-kogaldandyru-zhumystary-zhurip-zhatyr/