"Жағдайы нашарлаған": Алматы тауларына шыққан турист өз бетінше жерге түсе алмай қалды (видео)
Жарияланған күні:
![Туристерді құтқару сәті Туристерді құтқару сәті](https://cdn.nur.kz/images/1120x630/8d5367e569efced6.jpeg)
Алматыдағы Іле Алатауы тауларында туристің жағдайы нашарлап, ТЖМ құтқарушыларын шақырды. Бұл туралы Төтенше жағдайлар министрлігі Telegram-дағы ресми арнасында хабарлады.
Ведомство ақпараты бойынша, 9 мамырда 4 турист Шымбұлақ шыңына (3450 м) көтерілген.
Алайда жоғарғы жаққа шыққан соң әйелдің халі нашарлап, ол шыңнан өздігінен түсе алмай қалған.
Көмек көрсету үшін оқиға орнына Республикалық жедел-құтқару жасағының құтқарушылары, оның ішінде кинологиялық есеп жіберілді.
Түнде РЖҚЖ құтқарушылары туристерге жетіп, екі бойжеткенге алғашқы көмек көрсетіп, оларды тасымалдаған.
Кейін құтқарушылар туристерді РЖҚЖ көлігі тұрған жерге жеткізіп, Апаттар медицинасы орталығының дәрігерлеріне тапсырды.
Мақаланың түпнұсқасы: https://kaz.nur.kz/society/2098073-zhagdaiy-nasharlagan-almaty-taularyna-shyqqan-turist-oz-betinshe-zherge-tuse-almai-qaldy-video/