Алматы облысындағы Аюсай бөгеті маңында топырақ опырылды
Жарияланған күні:
![Қарасай ауданында топырақ құлады Қарасай ауданында топырақ құлады](https://cdn.nur.kz/images/1120x630/611160df89c59bd0.jpeg)
Алматы облысының Қарасай ауданында Аюсай бөгетінің маңында батпақтануына байланысты көлемі 3,5 текше метр топырақ опырылды. Бұл туралы KAZ.NUR.KZ ТЖМ-ге сілтеме жасап хбарлайды.
Ведомство мәліметінше, Алматы облысының Қарасай ауданында "Аюсай" бөгетіне жетпей, оның батпақтануына байланысты көлемі 3,5 текше метр топырақ опырылды.
Бұл жерде су құбырының жарылуы анықталған су арнасының қызметкерлері жұмыс атқарып жатыр.
"Қазселденқорғау" және су арнасының күштерімен қалпына келтіру жұмыстары жүргізіліп жатқаны хабарланды.
ТЖМ өкілдері зардап шеккендер мен қираулар жоғын мәлім етті.
Мақаланың түпнұсқасы: https://kaz.nur.kz/society/2100524-almaty-oblysyndagy-aiusai-bogeti-mangynda-topyraq-opyryldy/