"Өмірің асханада бекер өтіп жатыр": тамылжыта ән салған аспаз жігіт көпшілікті сүйсінтті (видео)

Әлеуметтік желіде круассан пісіріп жатып ән салған азпаз жігіттің видеосы тарап жатыр. Желі қолданушылары аспаз жігіттің дауысына тәнті болды, деп хабарлайды KAZ.NUR.KZ.

Instagram-дағы Turkestangramm парақшасында круассан пісіріп жатқан аспаздың қазақстандық әнші Құрмаш Махановтың "Кездесу мен қоштасу" әнін орындаған видеосы жарияланды.

"Асханада күні бекер өтіп жатыр ғой", - деп жазылған видеода.

Желі қолданушылары ер адамның өнеріне сүйсініп, оған жылы лебіздерін білдірді.

"Дауысы керемет", "Тамаша! Бәрі әнші болса, кім аспаз болады? Сүйген кәсібің болса, тастама", - деп ізгі тілектерін білдірді желі пайдаланушылары.