Семейдің жартысы сусыз қалды

Кеше, 21 мамырда кешкі уақытта Семейде су құбырында апат болып, сол себепті қаланың оң жағалауы сусыз қалды. Бұл туралы Abainews.kz хабарлайды.

Басылым мәліметінше, апат Қозбағаров көшесінде сағат 12:00-де болған. Одан кейін бірнеше мекенжайда су беру тоқтатылғаны хабарланды.

Алайда сағат 20:00-де Семей су арнасының ұжымы диаметрі 600 мм болатын су құбырындағы апатты жағдайға байланысты су тартуды өшіріп, оң жағалауда түгелдей тоқтату туралы шешім қабылдады.

Судың кенеттен тоқтауы семейліктерді ашуландырған. Қала тұрғындарының наразылығы қалалық су шаруашылығы мекемесінің суды қосу мерзімін атай алмауына байланысты – компания жөндеу жұмыстары "толық жойылғанға дейін" жалғасатынын айтты.

"Олар бізге инстаграмда cу өшіру туралы 15 минут бұрын хабардар етті, оны бәрі бірдей оқи бермейді. Неліктен апатты жою мерзімі көрсетілмеген? Облыс орталығы болдық, бірақ ештеңе өзгермеген…", - деп жазды әлеуметтік желіде қалалықтар.