Top.Mail.Ru

Сайт нұсқасы

ru kz

Зектілері

"Анасын іздеп шыққан": елордада оқушы балконда ілініп тұрған баланы қалай құтқарғанын айтып берді

Жарияланған күні:

Оқушы бала балконда асылып тұрған кішкентай баланы қолынан тартып шығарып алғалы тұр
Баланы құтқару сәті. Видеодан кадр: t.me/astana_newss

Елордалық тұрғын үй кешендерінің бірінде №31 мектеп-гимназиясының 7-сынып оқушысы Ақан Әкімжанов қайғылы жағдайдың алдын алды. Оқушы 5 жасар баланы қалай құтқарғанын айтып берді, деп хабарлайды Sputnik Қазақстан.

Басылым мәліметінше, 20 мамырда Ақан аулада ойнап жүргенде 4-ші қабатта балконда ілулі тұрған баланы байқап қалған.

Ақан уақыт оздырмай бірден қимылдап, балконда ілініп тұрған 5 жасар баланы құтқарып қалды.

Ақан Әкімжанов - көпбалалы отбасынан шыққан.

Sputnik Қазақстан тілшісі Ақанның өзімен және отбасымен сөйлесті. Анасының айтуынша, Ақан туылғанда әлжуаз болғанымен, өсе келе балабақшада белсенді бала болып өскен. Би де билейтін, ән де салған.

"Қазір мінезі ауыр, ұстамды. Үйдің бар тірлігіне көмектеседі, тіпті тамақ та жасайды", - дейді анасы Зухра Әкімжанова.

Ақанның үш інісі мен қарындасы бар.

"Төрт ұл бір қызым бар. Бір-бірін бағып, жетектеп өсіп келеді. Ақанның інісі онсыз сабақ оқымайды, ағасын күтіп отырады. Үйде мысығы бар, сол мысыққа дейін Ақан қамқор", - дейді анасы.

Ақан оқиғаның қалай болғанын айтып берді.

"Бүлдіршін 4 қабаттан құлағалы тұрды. Мен сумкамды тастай салып жүгірдім. Ол қонаққа келіпті. Анасын іздеп балконға шығып кетіпті. Баланы құтқарған соң ата-анасы келіп менімен сөйлесті", - дейді Ақан Әкімжанов.

Мақаланың түпнұсқасы: https://kaz.nur.kz/society/2104779-anasyn-izdep-shyqqan-elordada-oqushy-balkonda-ilinip-turgan-balany-qalai-qutqarganyn-aityp-berdi/