Жетісуда балалар күні қарсаңында тазалық акциясы ұйымдастырылды
Жарияланған күні:
Республикалық "Таза Қазақстан" экологиялық акциясы Жетісу облысында жалғасып жатыр. Игі үрдіске айналған тазалық шараларын өңір жастары жұмылып атқаруда.
Бүгін Талдықорған қаласының 100-ге жуық еріктісі, студенттер мен "Жетісу жастары" орталығының қызметкерлері қала көшелерін тұрмыстық қоқыс пен бос бөтелкелерден тазартты.
Тазалық акциясы барысында жиналған қоқыстар қайта өңдеу орталықтарына жіберілетін болады. Жастардың жоспарына сәйкес, қайта өңдеуден түскен қаражат 1 маусым – Балалар күні мерекесіне орай, бүлдіршіндерге мерекелік көңіл-күй сыйлауға жұмсалатын болады.
Мақаланың түпнұсқасы: https://kaz.nur.kz/society/2105688-zhetisuda-balalar-kuni-qarsangynda-tazalyq-aktsiiasy-uiymdastyryldy/
