Елорда тұрғыны Министрліктер үйіне жарылғыш зат қойылғанын хабарлаған
Жарияланған күні:
Астанада Министрліктер үйінің ғимаратында және оның тұрғылықты жерінде терроризм актісі болу мүмкіндігі туралы хабарлаған адам сотталды. Лаңкестік актісі туралы ақпарат жалған болып шықты. Бұл туралы елорда прокуратурасына сілтеме жасаған KAZ.NUR.KZ хабарлайды.
Астанада лаңкестік актісі туралы көрінеу жалған ақпарат таратқан жергілікті тұрғын сотталды.
"Сотталушы "102" арнасына қоңырау шалып, Министрліктер үйінің ғимаратында және оның тұрғылықты жерінде терроризм актісі болу мүмкіндігі туралы хабарлаған. Алынған хабарламаны тексеру кезінде полиция қызметкерлері қоңыраудың жалған екенін анықтады. Сот үкімімен кінәлі адам сотталды. Үкім заңды күшіне енді", - делінген прокуратура хабарламасында.
Прокуратура өкілдері терроризм актісі туралы көрінеу жалған хабарлағаны үшін 5 жылға дейін бас бостандығынан айыру жазасы қарастырылғанын еске салды.
Мақаланың түпнұсқасы: https://kaz.nur.kz/society/2108643-elorda-turgyny-ministrlikter-uiine-zharylgysh-zat-qoiylganyn-habarlagan/
