Жолдарды жыл сайын жөндеу ақша жылыстатуға жол ашпай ма: көлік министрі жауап берді

Мәжіліс кулуарында Көлік министрлігінің басшысына Қазақстан қалаларындағы жолдар неге жыл сайын жөнделетіні туралы сұрақ қойылды. Айта кетейік, бір жөнделген жол келесі жылы да жөнделетін жағдайлар ұшырасады. Бұл туралы KAZ.NUR.KZ хабарлайды.

Бүгін кей жолдар неге жыл сайын қайта-қайта жөнделетінін сұраған журналиске көлік министрі Марат Қарабаев: "Жол жөндеушісіз бе?" деп жауап берді.

Содан кейін ол жолдарда әртүрлі жөндеу жұмыстары жүргізілетінін түсіндірді.

"Құрылыстың өзі бірнеше түрге бөлінеді. Бірінші түрі – ағымдағы жөндеу, жыл сайын жасалатыны сол. Екінші түрі – орташа жөндеу, технология бойынша 5 жылда бір рет жасалады. Үшінші түрі – күрделі жөндеу, оны 15 жылда бір жүргіземіз. Сіз көріп жүрген бір жыл бұрынғы жөнделген жолдар – орташа жөндеу жұмыстары жүргізіліп жатқан жолдар.

Шұңқыр бар, оған орташа ағымдағы жөндеу жүргізілді, келесі жылы бұл шұңқыр қайта пайда болып, ағымдағы жөндеу жұмыстары жүргізіледі. Бұл табиғи жол процесі. Оған кінә сапасында ғана емес. Көптеген фактор бар. Мысалы, ауыр жүк көліктері бар", - деді Қарабаев.

Министрге"Жолдарды қайта-қайта жөндеуді ақша жылыстату деп санамайсыз ба? деген сұрақ қойылды.

"Жоқ, мүлде олай ойламаймын, олай емес. Бізде ақша жетпейді. Жолдың бір бөлігін қайта-қайта жөндеуге ақша керек емес пе? Ақша жеткілікті болса, сол ақшаны жұмсайтын жол бөліктері бар.

Астанадағы ағымдағы жөндеу жұмыстарына келер болсақ, әрбір жол бөлігі белгілі бір жөндеу түрінен өтеді. Бұл – күтіп ұстау деп аталатын табиғи процесс", - деді Қарабаев.