"Таза Қазақстан": Абай облысы Көкпекті ауданында абаттандыру жұмыстары жүргізіліп жатыр
Жарияланған күні:
!["Таза Қазақстан" экологиялық акциясы "Таза Қазақстан" экологиялық акциясы](https://cdn.nur.kz/images/1120x630/8ed524b342a05ee4.jpeg)
Аудан орталығы Көкпекті ауылында абаттандыру науқанына 200-ден астам адам қатысты. Аудандағы барлық мемлекеттік мекемелер аумақты қоқыстан тазартып, қоршауларды сырлап, гүлдер отырғызды.
Ауданның басқа да елді мекендерінде осындай жұмыстар жүргізіліп, гүл отырғызуға баса назар аударылды.
Саябақтар мен ойын алаңдары да назардан тыс қалмады. Демалыс орындарында гүлдер отырғызылып, орындықтар мен балалардың ойын жабдықтары ретке келтірілді.
!["Таза Қазақстан" экологиялық акциясы "Таза Қазақстан" экологиялық акциясы](https://cdn.nur.kz/images/1120/3eb7fe40fd377939.jpeg)
Акция аясында 24 тонна қоқыс шығарылып, 5 мыңнан астам гүл отырғызылды. Жалпы, "Таза Қазақстан" акциясы басталғалы 7 мыңнан астам адам тазалық жұмыстарына қатысып, 500 тоннадан астам қоқыс шығарылып, 4 мыңнан астам көшет отырғызылды.
Ауыл тұрғыны Слямғазы Зейнуллин атап өткендей, Көкпекті ауылын абаттандыру жұмыстары назардан тыс қалмайды.
!["Таза Қазақстан" экологиялық акциясы "Таза Қазақстан" экологиялық акциясы](https://cdn.nur.kz/images/1120/931b67dedf5b6d47.jpeg)
"Жаздың келуімен қаладан немерелерім келеді. Күнде немерелерімізбен ауылды, саябақтарды аралаймыз. Аудан орталығы Көкпекті ауылында соңғы уақытта абаттандыру мен көгалдандыруға көп көңіл бөлініп жатқаны қуантады. Бірден айналамыз гүлдей бастады, бұл біздің ауылға көрік беріп тұр", - дейді Слямғазы Зейнуллин.
Мақаланың түпнұсқасы: https://kaz.nur.kz/society/2111415-taza-qazaqstan-abai-oblysy-kokpekti-audanynda-abattandyru-zhumystary-zhurgizilip-zhatyr/