СІМ ресми өкілі Зеленскийдің қазақстандық БАҚ-қа берген сұхбатына қатысты пікір білдірді

Сыртқы істер министрлігінің ресми өкілі Айбек Смадияров брифингте Украина президенті Владимир Зеленскийдің қазақстандық БАҚ өкілдеріне берген сұхбаты туралы айтты. Бұл туралы KAZ.NUR.KZ тілшісі хабарлайды.

"Қазақстан Сыртқы істер министрлігінің өкілі ретінде мен бұл мәселеге қатысты ештеңе айтқым келмеп еді. Бірақ біз назар аудармай да отыра алмаймыз", - деді Айбек Смадияров.

Оның айтуынша, Украина тарабы бұл жобаға жеке бастама көтеріп, Қазақстандағы кей жеке БАҚ өкілдерін шақырған.

"Сұхбатты ұйымдастыру идеясы бізге өте күмәнді болып көрінеді. Материал рационалды емес, көбіне эмоционалды болып шыққан", - деп түйіндеді сөзін ол.

Айта кетейік, Зеленскийдің президенттік мерзімі аяқталып, бұған қатысты БҰҰ мәлімдеме жасаған болатын.