"Арсыздығын көрсетті": Гүлмира Сатыбалдының ісі бойынша сотта жәбірленуші куәлік берді
Жарияланған күні:
![Гүлмира Сатыбалды соты фото Гүлмира Сатыбалды соты фото](https://cdn.nur.kz/images/1120x630/72d4b4fafa01ec31.jpeg)
Алматыда Гүлмира Сатыбалданың ісі бойынша өтіп жатқан басты сотта жәбірленуші Абай Жүнісов сөз алды, деп хабарлайды KAZ.NUR.KZ.
"2019 жылы Сатыбалданың нұсқауымен мені қамап ұстаған үйге заңгер келді. Ол құжаттарға қол қою және компанияның акциялары мен мүлкін тіркеумен айналысатын. Екеуміздің сөйлескенімізді ұялы телефоныма жазып алдым.
Ұялы телефонды заңсыз үй қамауында болған кезде тауып алдым. Сол кездегі аудиожазбалара заңгер мен қамауда болған үйге қалай кіргенін растайды. Бұл оның Батыршаевтың рұқсатын алғанын көрсетеді.
Жұмаділдә (заңгер – ред. ескертпесі) Гүлмираның нұсқауымен бірнеше рет келді, оның жанында нотариус болды", - дейді жәбірленуші.
Жәбірленушінің айтуынша, Жұмаділдә 1 370 миллион теңге қарыз алып жатқанын айтып, мәміленің нотариалды куәландырылуын талап еткен. Сондай-ақ акцияларды беру туралы талап қойған.
"Сол күні Жұмаділда алдымен 1 370 миллион теңгеге қарыз алу туралы келісімге қол қоюымды талап етті, бұл материалдық көмек еді. Гүлмира бұл қарыз өзіне өткенін ойластырды, сол үшін өтіп кеткен күнмен қарыз алғанымды көрсетіп шартқа қол қоюуымды талап етті.
Жұмаділдә маған тиесілі акцияларды көмекшісі Радионов Игорьға жазып беруімді талап етті – ол бұрын Қайрат Сатыбалдының жүргізушісі болған, кейін Гүлмираның жеке жүргізушісі және көмекшісі болып ауысты. Жұмаділда оған Baur Kazakhstan компаниясының акцияларын жазып беруімді талап етті.
Жәбірленушінің айтуынша, ол қамауда болған кезде мәселенің және оған көрсетілген қысымның ауқымын түсінген.
"Төлқұжатымды үйімнің жанында тартып алып кетті, телефонымды офисте алып алды. Мұны ешкімге айта алмадым, тіпті үйдегі телефонымды да алып кетті. Маған келгендер телефонын күзетшіде қалдыратын. Батыршаевпен болған жағдай кезінде біз медицина қызметкерлерін шақырдық, мен полиция да шақырдым, алайда олар келтірткізбеді, мен ештеңе істей алмадым... егер мен мұны хабарласам, жағдайым одан да жаман болар еді.
Жұмаділдә не болғанын түсінді: ол заңгер ретінде заңсыз әрекет жасап жатқанын түсінгенімен, Гүлмира Сатыбалданың тапсырмасын орындады. Ол өз іс-әрекетінің жазасыз қалатынын біліп, арсыздығын көрсетті. Қайрат Сатыбалдыға иек арта алатынын көрсетті (жәбірленушінің мысалында – ред. ескертпесі)", - деді ол.
Оның айтуынша, бәрі Гүлмирадан қорыққан.
Жәбірленуші тағы бірнеше адамның атын атады, оның айтуынша, оларға да пәтер берілген және өзіне қалай қысым жасалғанын айтып берді.
"Мені заңсыз бостандығымнан айырды, Жұмаділдә қол қоюға міндетті екенімді айтатын, өзімді еркін адам ретінде сезінбейтінмін.
Сол кезде несие желісі ашылды. Бұл мақсат үшін Baur Kazakhstan шешімі керек болды.
Несие желісі 2019 жылғы 14 қаңтарда 8 млрд теңгеге ашылды, мақсаттары – ВТБ-дағы қолданыстағы 3 млрд теңге несиені қайта қаржыландыру, Гүлмираның жеке қарызын өтеуге 400 млн теңге және компанияның дамуына қалған 4 млрд теңге. Болашақта бұл ақша пайдаланылды.
Үйде отырғанымда үстімнен екі қылмыстық іс қозғалды, содан кейін экономикалық тергеу департаментінде бостандыққа шыққан тамыз айында қылмыстық іс қозғалды. Астана полиция департаментінде де іс қозғалды.
2021 жылдың наурыз-сәуір айларында арыз жазғанымда, менің арызым Алматы полиция департаментінде тіркелгенімен, тоқтатылды. Мен президент пен Бас прокуратураға жүгіндім. Сатыбалды да азаматтық істер бойынша сотқа арыз берді. Youtube арқылы өтініш жазуыма тура келді, ал Гүлмира ар-намысымды қорлады деп, маған қарсы арыз жазды және бар мүмкіндігін пайдаланды", - дейді жәбірленуші.
Мақаланың түпнұсқасы: https://kaz.nur.kz/society/2113260-arsyzdyq-tanytty-gulmira-satybaldynyng-isi-boiynsha-sotta-zhabirlenushi-kualik-berdi/