Алматы облысында колония бастығы орынбасарының үстінен қылмыстық іс қозғалды

Алматы облысындағы колониялардың бірінің бастығының орынбасарына қатысты пара алу бабы бойынша қылмыстық іс қозғалды. Бұл туралы облыстық прокуратураға сілтеме жасаған KAZ.NUR.KZ хабарлайды.

Алматы облысындағы №57 колония бастығының орынбасарының үстінен қылмыстық іс қозғалды. Ақпаратты облыстық прокуратура өкілдері растады.

"Қылмыстық кодекстің 366-бабының 1-1-бөлігі бойынша қылмыстық іс мәні бойынша қарауға Қонаев қалалық сотына жіберілді", - деп хабарлады Алматы облысы прокуратурасының баспасөз қызметі.

Қылмыстық кодекстің 366-бабының 1-1-бөлігі бойынша құқық қорғау органының қызметкері немесе құқық қорғау органында жауапты мемлекеттік лауазым атқаратын адам немесе судья пара алса:

• мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның отыз еселенгеннен елу еселенгенге дейінгі сомасы мөлшерінде айыппұл салуға;
• не алты жылға дейінгі мерзімге бас бостандығынан айыруға жазаланады.