Гүлмира Сатыбалды ісі: сотта жәбірленуші сотталушы қандай талаптар қойғанын айтты

Алматыда Гүлмира Сатыбалдаға қатысты сот процесі жалғасуда. Сот жәбірленуші Абай Жүнісовтің бауыры Алтай Жүнісовтен жауап алынды. Бұл туралы KAZ.NUR.KZ хабарлайды.

Алтай Жүнісовтің айтуынша, 2019 жылғы 13 ақпанда ол бауыры Абай Жүнісовтің келгенін естіп, анасының үйіне барған.

"Жақындап қалғанда, үйден екі көлік шығып бара жатқанын көрдік. Анам Абайды біреулер алып кеткенін айтты. Мен бұл жөнінде Қасыммен (Абай мен Алтай Жүнісовтің інісі – ред. ескертпесі) сөйлесіп, өз көлігіммен кеңсеге келдім.

(...) Кеңсеге келгенімде тұрақта көлік қоятын орын болмады. Ал кеңсенің жанында мен бұрын танымайтын күдікті адамдар тұрды. Олар мені кеңсеге кіргізбеді. Онда 10 шақты адам және компнаияның көліктеріне ұқсамайтын жеңіл көліктер тұрды", - дейді жәбірленуші Алтай Жүнісов.

Сондай-ақ кеңсе жанынан жәбірленуші осы іс бойынша сотталушы Мәди Батыршаевты көрген. Алтай Жүнісов анасын тыныштандыру үшін үйіне барып, кейін кеңсеге оралған. Жәбірленуші Абай Жүнісовті компаниядан бес миллиард теңге ұрлады деп айыптаған Гүлмира Сатыбалдымен бұрын кездескенін айтты.

"Күйеу балам Батырбек Қайдар бір-екі күн бұрын, 11 немесе 12 ақпанда келді. Ол Алматыға Гүлмира Сатыбалды шақырғанын айтты. Екеуміз кездесіп, мән-жайды білу үшін кеңсеге бармақ болдық. Өйткені ағамның ақша ұрлағанын біз ғана емес, компаниядағылардың бәрі біліп алған.

Кездескенімізде Гүлмира Сатыбалды ағамыздың компаниядан ақша ұрлағанын айтты. Бірақ Батырбек Қайдар бұл жағдайды заңды түрде шешуді ұсынғанда, ол қарсылық көрсете бастады. Ол біздің ол іске қатысымыз жоқ екенін айтып ескертті. Бірақ ол есік алдына қайта-қайта жақындап барып, дауыс көтере сөйледің. Бізге әңгімемізді басқалардың естігенін қалағандай көрінді. Біз дұрыстап сөйлескіміз келгенде ол бізді естімеді де, тыңдағысы да келмеді. Ол өте агрессивті болды. Ол да біздің бұл жағдайға қатысымыз жоқ екенін айтып, қуып шықты", - дейді Алтай Жүнісов.

Содан кейін жәбірленуші 2019 жылғы 13 ақпанда болған оқиғаларды әңгімелеп беруін жалғастырды. Алтай кеңсеге оралған кезде оған Қасым Жүнісов шыққан. Оның сөзінше, ағайындылар Гүлмира Сатыбалдыға мән-жайды түсіндірмек болған, бірақ ол оларды тыңдағысы келмеген.

Қасым екеуң кеңсенің жанында, екі көлік кетіп қалғанша көлікте 2-3 сағаттай күткен. Алтайдың айтуынша, ол Гүлмира Сатыбалданың көлігі екеніне сенімді болған. Алтай мен Қасым көліктердің соңына жүріп отырған. Күзетшілер оларды үйге кіргізбей қойған соң ертесі бармақ болған.

"Олар беделді адамдар болғандықтан, біреу-міреуге жүгінуден түк шықпайтынын білдік. Түске таман Қасым хабарласты. Ол Гүлмира Сатыбалдымен сөйлескен. Гүлмира Сатыбалды ағамызды босатып алғымыз келсе, ол ұрлаған ақшаның орнына бар мүлкімізді салуымыз керек екенін, сол кезде оны босататынын айтты", - деді ол.

Айта кетейік, Алматыда тұңғыш президент Нұрсұлтан Назарбаевтың туысы Қайрат Сатыбалдыұлының бұрынғы әйелі Гүлмира Сатыбалдыға қатысты іс бойынша басты сот отырысы басталды.

Оған кәсіпкерді заңсыз бас бостандығынан айырды және одан аса ірі мөлшерде ақша бопсалады, рейдерлік жасады, өз бетінше билік жүргізді деген айып тағылып отыр. Ал оның бұрынғы жүргізушісі Мәди Батыршаев заңсыз бас бостандығынан айыру бойынша сот алдына келді. Іс бойынша жәбірленуші кәсіпкердің адвокаты Рашид Теңізбаев жәбірленуші Абай Жүнісов пен сотталушы Гүлмира Сатыбалды бұрын туыстық қатынаста болғанын растаған еді.