Жетісу облысында екі ай бұрын жоғалған жігіттің отбасымен қауышқан сәті түсірілген видео жарияланды
Жарияланған күні:
Полицейлер биыл сәуір айынан хабарсыз кеткен 20 жастағы жігітті тапты. Жігіттің отбасымен қауышқан қуанышты сәті видеоға түсірілді, деп хабарлайды KAZ.NUR.KZ ІІМ-ге сілтеме жасап.
Ведомство мәліметінше, 9 сәуірде 20 жастағы жігіттің жақындары Ескелді ауданының полициясына ұлы жоғалып кеткенін айтып, жүгінген.
"18 маусымда жоғалған жас жігіттің орналасқан жері анықталды, ол Алматы қаласында болған. Полицейлердің жүргізген жедел-іздестіру іс-шараларының нәтижесінде жігіт аман-сау ата-анасына тапсырылды", - дейді Ескелді АПБ бастығының орынбасары Исатай Қаинбаев.
Тәртіп сақшылары туыстары мен жоғалған жігіттің кездескен кезі түсірілген видеоны жариялады.
Жігіттің ата-анасы мен әжесі полицейларге алғысын айтты.
Мақаланың түпнұсқасы: https://kaz.nur.kz/society/2120430-zhetisu-oblysynda-eki-ai-buryn-zhogalgan-zhigitting-otbasymen-qauyshqan-sati-tusirilgen-video-zhariialandy/
