Тараздағы металлургиялық зауытта өрт шықты (видео)

Бүгін түнде өртсөндірушілер Тараз қаласындағы металлургия зауытының аумағында жоғары вольтты трансформатордан шыққан өртті сөндірді. Бұл туралы ҚР ТЖМ баспасөз қызметіне сілтеме жасаған KAZ.NUR.KZ хабарлайды.

Ведомство өкілдерінің хабарлануынша, өртті сөндіруге трансформатор ыдыстарындағы 60 тонна май қиындық келтірген.

"Құтқарушылардың үйлесімді іс-қимылдарының арқасында жақын маңдағы трансформаторлар мен зауыт ғимаратына өрттің таралуына жол берілмеді. ТЖМ күштері 80 шаршы метр алаңдағы өртті жойды. Зардап шеккендер жоқ. Өрттің себебі анықталып жатыр", - делінген хабарламада.

ҚР ТЖМ ресми сайтында өрт болған жағдайда не істеу керектігі айтылған. Өрттің алғашқы белгісі мен түтін иісі сезілгенде 101 телефоны арқылы өрт сөндіру қызметіне немесе 112 телефоны арқылы құтқару қызметіне хабарласыңыз.

Диспетчерге қандай ақпарат берілуі керек:

• өрттің немесе жалынның шыққан жерінің мекенжайы;
• өрт нысаны (аулада, пәтерде, қоймада және т.б.);
• өртенген зат (теледидар, жиһаз және т.б.);
• қажет болған жағдайда - подъездің, пәтердің нөмірі, ғимарат қабаттарының саны және өрттің қабаты, қай жерден келу ыңғайлы, аумаққа кіру кодтары және т.б.;
• атыңыз бен телефон нөміріңіз.