Yandex Qazaqstan барлық қолжетімді интернет білімін пайдалана отырып, сұраққа нақты жауап беретін Нейро сервис ұсынды

Yandex Qazaqstan Day-де іздеу мүмкіндіктері мен үлкен генеративті модельдерді біріктіретін жаңа Нейро сервис ұсынылды. Пайдаланушы сервиске кез келген сұрақты қазақ немесе орыс тілінде қоя алады. Нейро бүкіл қазақ тілді және ғаламдық интернеттен ақпаратты зерттеп, оны дереккөздерге сілтемелері бар бір үлкен жауапқа жинайды.

Нейро қарым-қатынастың табиғи тілін түсінеді. Одан бір нәрсе туралы сұрау үшін сөздерді таңдаудың қажеті жоқ: ойға келген сұратуды жазуға болады. Сонымен қатар ол әдетте бірнеше дереккөзді зерттеуді қажет ететін сұрақтарға жауап бере алады. Мысалы: "Қазақстанның солтүстігінде қандай танымал туристік бағыттар бар?".

Мәтіндік сұратуға суреттерді қосуға болады. Мысалы, алманы суретке түсіріп, оның қандай сұрыпқа жататынын сұрауға боалды. Нейро сұрақ қай тілде қойылғанына байланысты қазақ немесе орыс тілдерінде жауап бере алады.

Нейро интернеттегі ақпарат көздерінен ақпарат алады. Бұл қызмет жауаптарында бірнеше сағат бұрын пайда болса да, жаңа және өзекті ақпарат бар екенін білдіреді. Пайдаланушының сұрағына жауап беру үшін Яндекс нейрондық желілері, іздеу нәтижелерінде қажетті көздерді зерттейді және таңдайды. Модельді оқытуда қазақ, орыс және басқа тілдердегі мәтіндер қолданылды. Нейро әрқашан жауаптарын материалдарға сілтемелермен күшейтеді. Олардың арқасында пайдаланушылар фактілерді өздері тексеріп, өзі қызығатын тақырыбына тереңірек үңіле алады, ал алаңша қосымша трафик ала алады.