Қызылордада 7 адам лифт ішінде қамалып қалған
Жарияланған күні:
Бүгін Қызылордада 7 адам көпқабатты үйлердің бірінде лифт ішінде қамалып қалды. Қамалып қалған адамдарға құтқарушылар көмекке келді, деп хабарлайды Төтенше жағдайлар министрлігіне сілтеме жасаған KAZ.NUR.KZ.
ТЖМ мәліметінше, бүгін Қызылорда қаласындағы көпқабатты тұрғын үйлердің бірінде 7 адам 2 және 3 қабат аралығында лифт ішінде қалып қойған.
Шақыру орнына келген құтқарушылар аспалы құралдардың көмегімен лифт есігін ашып, тұрғындарға шығуға көмектескен. Қамалып қалған адамдардың ешбірі медициналық көмекке мұқтаж болмаған.
"Төтенше жағдай болған жағдайда 112 нөміріне хабарласыңыз", - деп ескертті ведомство өкілдері.
Айта кетейік, маусымда Астана қаласының Алматы ауданындағы мектептердің бірінде әйел адам лифт шахтасына құлап, зардап шеккен болатын.
Мақаланың түпнұсқасы: https://kaz.nur.kz/society/2129838-qyzylordada-7-adam-lift-ishinde-qamalyp-qalgan/
