Алматыда бейбіт шерулер өтетін орындар ауыстырылуы мүмкін

Алматыда бейбіт шерулер өтетін орындарды өзгерту ұсынылды. Мәслихат шешімінің жобасы "Ашық НҚА" порталында жарияланды, деп хабарлайды KAZ.NUR.KZ.

Алматыда бейбіт жиналыстар, шерулер мен пикеттер өткізуге арналған орындарды ауыстыру туралы түзетулер жобасы талқылауға ұсынылды

Алматы әкімдігі өкілдерінің мәлімдеуінше, Алматы қаласы мәслихатының 2020 жылғы 23 маусымдағы № 462 шешімімен қалада бейбіт жиналыстар өткізуге арналған мамандандырылған орындар бекітілді. Митинг түрінде бейбіт жиындар өткізу үшін "Махатма Ганди" атындағы саябақ, "Сары-Арқа" кинотеатры артындағы сквер және "Шоқан Уәлиханов" атындағы сквер анықталды, сондай-ақ шеру өткізуге "Шоқан Уәлиханов" атындағы скверден Шевченко көшесі бойындағы "Махатма Ганди" саябағына дейінгі бағыт белгіленді.

Шоқан Уәлиханов атындағы скверді жөндеу және қайта жаңарту жұмыстары жүргізілгеннен кейін көлік құралдарының оқшауланған тұрақ орындарын жайластыруға, қауіпсіздік жерлерді, сигналдық бағаналар мен жаяу жүргіншілер өткелдерін жасауға байланысты Шевченко көшесі тарылды.

Жоспарланған локациялар қаланың орталық бөлігінде орналасқан.

"Шоқан Уәлиханов" атындағы саябақта санкцияланған митингілерді өткізу кезінде Достық даңғылынан Шевченко көшесі бойындағы көлік ағынының қозғалысы Қонаев көшесіне дейін тоқтатылады, соның салдарынан көлік жүргізушілері Достық даңғылымен Абай даңғылына дейінгі көше учаскесін оңтүстік жағынан айналып өтуге мәжбүр болады және Бөгенбай батыр көшесіне дейін солтүстік жағынан, сол арқылы басқа көлік артерияларына жүктемені арттырады, бұл артық жүруге, көлік ағынының қарқындылығының артуына және кептелістер мен апатты жағдайлардың туындауына әкеледі", - делінген әкімдік хабарламасында.

Сонымен қатар әкімдік өкілдері тұрғын үйлердің "Шоқан Уәлиханов" атындағы скверге жақын орналасуы тұрғындарға қолайсыздық туғызатынын, абаттандыру ережелері бұзылатынын, митингілерді өткізу кезінде дауыс зорайтқыш құрылғылар, рупорлар пайдаланылады, сол арқылы осы жерге жақын тұратын қалалықтардың тыныштығы бұзылатынын атап өтті.

"Жоғарыда айтылғандарды ескере отырып, сондай-ақ көше кептелісі мен жол қозғалысына қатысушылар тарапынан наразылықты болдырмау мақсатында "Шоқан Уәлиханов" атындағы скверден бейбіт жиналыстар өткізу үшін мамандандырылған орынды Амангелді Иманов атындағы скверге (сыйымдылығы 500 адамға дейін) ауыстыру жоспарлануда, ол Алмалы ауданындағы Абылай хан даңғылында орналасқан, онда санкцияланған митингілерді өткізу кезінде көшелерді жабу қажеттілігі жоқ және тұрғын үйлерден алыс орналасқан.

Санкцияланған шерулер (демонстрациялар) өткізу бағытын қайта қарау мәселесі бойынша "Махатма Ганди" атындағы саябақтан Шевченко көшесі бойымен "Шоқан Уәлиханов" атындағы саябаққа дейін бұрын белгіленген маршруттың орнына Гагарин даңғылынан Жамбыл көшесі бойынша Мұқанов көшесіне дейінгі жаңа маршрутты бекіту жоспарланып отыр", - дейді әкімдік өкілдері.

Ведомство мәліметінше, Шевченко көшесі бойындағы қолданыстағы шеру маршруты қаланың көлік ағынына кедергі келтіреді және үлкен көліктік жүктемеге ие, қаланың негізгі магистральдық көшелерімен қиылысады.

Сонымен қатар Жамбыл көшесінде Гагарин даңғылынан Мұқанов көшесіне дейін 2 қозғалыс жолағы бар және магистральдық көшелермен қиылыстар жоқ.

"Қаланың мамандандырылған орындарын бұрын белгіленген қамтуды сақтау мақсатында "Сары-Арқа" кинотеатрының артындағы сквердің толымдылығын 500-ден 1000 адамға дейін өзгерту ұсынылады", - делінген хабарламада.