"Құтқарушылар ешқайсысына көмектесіп үлгермеді": СҚО-дағы екі жасөспірім өлімінің жантүршігерлік деректері белгілі болды

Солтүстік Қазақстанда екі ағайынды уақытша пирстен секіріп, суға батып кетті. Жасөспірімдердің бірі Қарағандыдан ауылға туыстарына қонаққа келген, деп хабарлайды КТК телеарнасының сайты.

Солтүстік Қазақстан облысының Бескөл ауылында бір күн бұрын болған қайғылы оқиға құтқарушылар суға кеткен екі жасөспірімнің денесін алып шыққан кезде белгілі болды. Бүгін қайғылы оқиғаның мән-жайы белгілі болды.

Жергілікті тұрғындар бұл су қоймасында суға түсуге тыйым салынғанын, бірақ жастар құлақ аспайтын көрінеді. Бескөл қаласының тұрғыны Юрий Краснопер суға түсудің қауіпті екенін айтты.

Қыршын кеткен қос бала бір-біріне туысқан болып шықты. Бескөл ауылында тұратын 15 жастағы бала Қарағандыдан қонаққа келген 12 жасар інісін ертіп ауыл шетіндегі арнаға барған.

"Суға сүңгіп кеткен інісі бата бастаған. Оны құтқармақ болып үлкені де тұра ұмтылыпты. Бірақ екеуі де салқын судан шыға алмай қалған. Сүңгуірлер су түбінен мәйіттерін алып шықты. Қазір балалардың өмірін қиған шомылатын аумақ жабық тұр. Рұқсат етілмеген осындай жерлерді енді құтқарушылар тексеруді бастады", - деп хабарлады телеканал өкілдері.

Құтқарушылар мұндағы су қоймаларына түсуге болмайтынын үнемі ескертіп отырамыз дейді. Тіпті бірнеше адамға айыппұл салғанымен, көпшілік ескертуге құлақ аса бермейді дейді.

"Үнемі су айдынын қайықпен аралап, қолдан жасалған суға түсу орындарын фото-видеоға түсіреміз. Бірақ көпшілігі заңды ма, заңсыз ба, оны өзіміз де біле бермейміз. Қазір қажет ақпаратты аудан әкімдігіне жібереміз. Сөйтіп, суға түсу орнының қайсысы заңды, қайсысы заңсыз екенін анықтаймыз", - деді СҚО Қызылжар ауданының ТЖБ бас маманы Жанат Мұхаметқалиев.

Бұған дейін Батыс Қазақстан облысында 14-15 жастағы жасөспірімнің Желаево ауылы маңындағы мәдениет үйінде суға батып кеткені хабарланған болатын. Ал Қарағанды ​​облысында 9-сыныптың екі оқушысы Нұра өзеніне батып кетті. Олар рұқсат етілмеген жерде жүзген.

Сондай-ақ достарымен бір жағадан екінші жағаға дейін жүзе аламын деп бәс тіккен Астана қаласының 17 жастағы тұрғынының Есіл өзеніне батып кеткеніе хабарлаған болатынбыз.