Докторантураға тапсырғандардың құжаты қалай тексеріледі: Саясат Нұрбек жауап берді

Ғылым және жоғары білім министрі Саясат Нұрбек үкімет кулуарында докторантураға түсу кезінде ЖОО-лар "өзінің ақы төленген" адамдарын жіберді деген жағдайға байланысты пікір білдірді. Бұл туралы KAZ.NUR.KZ хабарлайды.

Журналистер құжаттарда жеке тұлға көрсетілмейтінін атап өтті. Бірақ, соған қарамастан, университет қызметкерлері кімнің құжаттарын қарастырып жатқанын түсінуі үшін кодтық сөздер немесе арнайы тегтер қолданылған. БАҚ өкілдері бүгінгі жағдай қалай екенін сұрады.

"Былтырдан бері ережелерді өзгертіп, қатаңдата бастадық. Бұған дейін университет қызметкерлері құжаттарды екі рет тексеретін. Адами фактордан қаша алмаймыз. Қызметкерлер лауазымдық өкілеттіктерін қандай да бір жолмен асыра пайдаланған жағдайлар болды, сондықтан биылдан бастап біз ережелерді реттеп жатырмыз. Енді Ұлттық тестілеу орталығы бірінші кезеңде анонимді құжаттарды біркелкі тексеруден өткізеді", - деді ол.

Оның айтуынша, осылайша, осыбайлас жемқорлық схемаларын жоюға болады.

"Түпкілікті шешімді университеттер қабылдайды. Енді барлық техникалық тексеруді тәжірибесі мол Ұлттық тестілеу орталығы жүргізеді және мұның барлығы докторантураға түсу кезінде жіті тексеріледі", - деді министр.