Қазақстанда бұрынғы шенеуніктер мен кәсіпкерлер декларация тапсыруы керек пе

Қазақстанда жалпы декларацияға бұрынғы шенеуніктер де суы керек. Бұл өз қызметін тоқтатқан кәсіпкерлерге де қатысты. Жүйенің басқа да нюанстары туралы KAZ.NUR.KZ материалынан оқыңыздар.

Қазақстанда жалпыға бірдей декларациялаудың үшінші кезеңі қызу жүріп жатыр. Оған алғаш рет жеке кәсіпкерлер (ЖК), заңды тұлғалардың басшылары мен құрылтайшылары, сондай-ақ олардың жұбайлары қатысуда.

Ал қазақстандықтардың жалпыға бірдей декларациялау жүйесін енгізуге қатысты сұрақтары әлі де көп. Олардың кейбіріне Маңғыстау облысы бойынша Мемлекеттік кірістер департаменті жауап берді.

Жалпыға бірдей декларациялаудың үшінші кезеңіне жеке кәсіпкерлердің қатыспауына бола ма

Үшінші кезеңге заңды түрде қатыспау үшін жеке кәсіпкерлер 2023 жылы жеке кәсіпкерді жабу үшін тұрғылықты жері бойынша мемлекеттік кірістер департаментіне жүгінуі керек болды.

Енді мұндай мүмкіндік жоқ: 250.00 нысанындағы активтер мен міндеттемелер туралы декларацияны тапсыру бойынша міндеттемелер тіпті қызметін тоқтатқандар мен белсенді емес кәсіпкерлер үшін де қатысты.

Бұрынғы шенеуніктердің, мемлекеттік қызметшілердің декларация тапсырмауына бола ма

Тіпті бұрынғы шенеуніктер де жалпы декларацияға қатысуды жалғастыруға міндетті.

Департаментте атап өткендей, бұрын 250.00 нысаны бойынша декларация тапсырған барлық азаматтар, тіпті егер олар мемлекеттік қызметтен кеткен немесе зейнеткерлікке шыққан болса да, жыл сайын 270.00 нысанындағы табыс пен мүлік туралы декларация тапсыруы керек.

Декларацияға кімдердің қатыспауына болады

Бұған дейін 2024 жылғы 1 қаңтардағы жағдай бойынша Қазақстанның резиденті емес тұлғалар жалпы декларацияға қатысудан босатылған еді.

Сол сияқты, коммерциялық емес ұйымдардың мүшелері, сондай-ақ акционерлер, егер олар заңды тұлғаның немесе жеке кәсіпкердің құрылтайшылары немесе басқарушылары болмаса, декларация тапсырмайды.

Естеріңізге сала кетейік, Қазақстанда мемлекеттік қызметші емес қарапайым азаматтар үшін де декларациялау ережелері жеңілдетілген болатын.