Түркістан облысында үйінде есірткі сақтады деген ер адам ұсталды

Түркістан облысында полиция тұрғыннан марихуана тәркіледі. Бұл туралы KAZ.NUR.KZ ІІМ-нің Polisia.kz медиапорталына сілтеме жасап хабарлайды.

Медиа-порталдың хабарлауынша, Келес аудандық полиция бөлімінің қызметкерлері есірткі заттарын сақтады деген күдікпен жергілікті тұрғынды ұстады.

Тінту кезінде полицейлер аудан тұрғынының құрылысы бітпеген тұрғын үйіне жасырылған, ішінде есірткіге ұқсас заты бар пакетті тәркіледі. 

Сараптамаға сәйкес, есірткінің жалпы салмағы шамамен 14 грамм марихуана болып шықты. Ер адам өз жауабында есірткіні мал жайып жүргенде тауып алып, өзі тұтыну үшін сақтағанын жеткізді.

Қазіргі уақытта осы факт бойынша қылмыстық іс қозғалды. Тергеу жүргізіліп, оқиғаның барлық мән-жайы анықталып жатыр.