Елордада "Астана" вокзалындағы ақылы тұрақтардың тарифтері өзгереді

Елордада 5 тамыздан бастап "Астана" вокзалындағы ақылы тұрақтардың тарифтері өзгереді. Бұл туралы KAZ.NUR.KZ CTS компаниясына сілтеме жасап хабарлайды.

Тасымалдаушы компанияның мәліметінше, 5 тамыздан бастап вокзалдағы ақылы тұрақтың тарифтері өзгертіледі.

"Барлық пайдаланушы үшін ыңғайлы және қолайлы жағдайды қамтамасыз ету мақсатында 2 сағаттан кейінгі 6 сағатқа дейінгі тұрақ үшін әр сағатына қосылатын 1 мың теңге төлем алынады.

Енді сағаттық тариф 200 тг болады, яғни әр қосымша сағат үшін тек 200 теңге қосылады", - делінген хабарламада.

Мәселен, қазіргі тариф бойынша 3 сағаттық тұрақ үшін пайдаланушы 1200 теңге төлеуі керек. Жаңа тариф бойынша 3 сағат үшін 600 теңге алынады.

Одан көптеу уақыт, 6 сағатты салыстырсақ, қазіргі тариф бойынша ол 4 200 теңге, ендігі жаңа бағада – 1 200 теңге.

Естеріңізге сала кетейік, "Астана" темір жол вокзалындағы ақылы тұрақ тарифі 2017 жылдан өзгерген жоқ. Тарифтік кесте тұрғындардан түскен өтініштердің нәтижесі бойынша және тұрақтарды пайдалану шығындарының қаржылық көрсеткіштері ескерілген.