Сот өкілдері министрлікке бұрынғы қызметкеріне 1 млн теңгеден астам қаражат төлеуді міндеттеді

Төтенше жағдайлар министрлігінен босатылған қызметкердің пайдасына 1 млн теңгеден астам қаражат өндірілді. Бұл туралы KAZ.NUR.KZ Жоғарғы сотқа сілтеме жасап хабарлайды.

Жоғарғы сот мәліметінше, Наталья Салтыкова құқық қорғау қызметінде Төтенше жағдайлар министрлігі Экономика және қаржы департаменті Қаржылық қамтамасыз ету басқармасының бас маманы лауазымында қызмет атқарған.

2013 жылы арнайы атақ алып жүру құқығы жойылғаннан кейін, ол мемлекеттік әкімшілік лауазымға сарапшы, содан кейін сол басқарманың бас сарапшысы болып тағайындалған.

Бес жылдан кейін министрліктің бұйрығымен ол құқық қорғау қызметінде шекті жасқа жетуіне байланысты қызметінен босатылған.

"Бұл ретте оған 20 жылдан 25 жылға дейінгі еңбек өтілі бар қызметкерлер үшін 6 айлық қамту мөлшерінде көзделген жұмыстан шығу жәрдемақысы төленбеген.

Осыған байланысты Н. Салтыкова министрлікке қойған жұмыстан шығу жәрдемақысын 1 млн теңгеден астам мөлшерде өндіріп алу туралы талап арызымен сотқа жүгінді.

2021 жылы бірінші сатыдағы сот үкіметтің ережелерінде талапкерге біржолғы жәрдемақы төлеу үшін құқықтық негіздерді көрмей, талап арызды қанағаттандырудан бас тартты", - делінген сот хабарламасында.

Жоғарғы сот төрағасының ұсынуы бойынша істі қайта қарағанда, ережелер бойынша жеңілдіктер құқық қорғау органы болып саналмайтын басқа мемлекеттік органдарға ауысқан жағдайда ғана тоқтатылатынын көрсеткен.

Сот өкілдерінің түсіндіруінше, қағидалардың 8-тармағы арнаулы атақтарға құқығынан айырылғандар үшін зейнетақы төлемдерін тағайындау кезінде жеңілдіктер мен артықшылықтарды сақтайды.

Бұйрыққа сәйкес өртке қарсы қызметтің капитаны, басқарманың бас маманы Н. Салтыкова зейнеткерлікке шыққан кезде жеңілдіктерге құқығы сақталатын қызметкерлер тізіміне енгізілген.

Осыған байланысты, еңбек сіңірген жылдары 21 жылдан асатын талапкер Салтыкованың дәлелдері негізді болып саналған.

"Жоғарғы сот азаматтық істер жөніндегі сот алқасы осы іс бойынша сот актісінің күшін жойды.

Н. Салтыкованың талап арызы қанағаттандырылды: министрліктен 1 млн теңгеден астам қаражат өндірілді", - делінген хабарламада.