Алматыда 3 тамыздан бастап қоғамдық көлікте жол жүру ақысы қымбаттайды

Алматыда қоғамдық көлікте жол жүру ақысы 3 тамыздан бастап 20 теңгеге көтеріледі. Бұл туралы KAZ.NUR.KZ қала әкімдігінің баспасөз қызметіне сілтеме жасап хабарлайды.

Алматыда қалалық мәслихатпен келісілген және сарапшылармен белсенді талқыланған қоғамдық көлікте жүру ақысын 120 теңгеге көтеру тарифі 3 тамыздан бастап күшіне енеді.

Әкімдіктің қаулысына сәйкес, 3 тамыздан бастап жол ақысын қолма-қол ақшамен төлеу мүмкіндігі алынады. Бұл шара, ең алдымен, тасымалдау қауіпсіздігін қамтамасыз етуге байланысты, өйткені автобус жүргізушісі ақша жинауға алаңдамай, тек көлік құралын басқаруы керек.

Қалалық мобильділік басқармасы бүгінде жолаушылардың 97 пайыздан астамы жол ақысын қолма-қол ақшасыз төлейтінін атап өтті.

Әкімдік мәліметінше, қала тұрғындары мен мегаполис қонақтарына қолма қол ақшасыз есеп айырысудың бірнеше әдісі қол жетімді:

• Onay филиалдарында және клиенттерге 115 қызмет көрсету орындарында сатып алуға болатын көлік картасы арқылы;
• ұялы телефонның SMS арқылы;
• мобильді қосымша арқылы (шетелдік қонақтарға ыңғайлы болу үшін интерфейсті ағылшын тілінде енгізу пысықталуда).

Бұдан басқа, жол жүру ақысын төлемеу деректерін қысқарту мақсатында жолаушылардың қамтылуын тексеру, сондай-ақ жүргізуші құрамы тарапынан бұзушылықтарды тіркеу үшін бірыңғай бақылау қызметін құру туралы мәселе қаралады.

Сондай ақ 3 тамыздан бастап жол жүру билеттеріне мынадай баға белгіленеді:

• айлық жол жүру билеті - 9 900 теңге;
• студенттік айлық жол жүру билеті - 4 200 теңге;
• мектеп айлық жол жүру билеті - 2 000 теңге;
• зейнетақы айлық жол жүру билеті - 3 000 теңге.

Сонымен қатар азаматтардың мына санаттарына тегін жол жүру ұсынылады: ҰОС қатысушылары, 75 жастан асқан зейнеткерлер, 1-ші, 2-ші топтағы мүгедектер, 18 жасқа дейінгі мүгедек балалар, саяси қуғын-сүргін құрбандары және басқа мемлекеттердің аумағындағы әскери қимылдардың ардагерлері.

Сондай-ақ, азаматтардың 4 санаты үшін тарифтің 50% - ы түріндегі жеңілдік сақталады: студенттер, жасына байланысты зейнеткерлер, көп балалы аналар, мүгедек балалармен бірге жүретін адамдар.

Жалпы, Алматы қаласының мобильділік басқармасы реттеушілік модельдің және жаңа тарифтік ұсыныстың жобасын әзірлеуде, оның аясында қала тұрғындары мен қонақтарына қоғамдық көлік қызметтерін пайдаланудың ыңғайлылығы үшін, оның ішінде тегін ауысып отыру мүмкіндігімен түрлі жол жүру абонементтері ұсынылатын болады.

Алматы әкімдігі биыл қосымша 600 автобус, 112 троллейбус және 100 электробус сатып алуды жоспарлап отыр. Сонымен қатар, жеке тасымалдаушылар 400-ге жуық жаңа автобус пен 15 электробус сатып алуды жоспарлап отыр. Қабылданған шаралар 2024 жылы экологиялық таза көліктің үлесін 70 пайызға дейін арттыруға мүмкіндік береді, бұл ретте автобустардың орташа жасы 3 жылды құрайды.