"Жалған құжатпен жүрген": Ақмола облысында 5 адамды өлтірген қарулы банданың көшбасшысы сотталды

Ақмола облысында 5 адамды өлтірген қарулы банданың көшбасшысы сотталды. Ол 25 жылға бас бостандығынан айырылды, деп хабарлайды KAZ.NUR.KZ облыстық сотқа сілтеме жасап.

Облыстық сот мәліметінше, 1998 жылдың қаңтарынан 1999 жылдың қаңтарына дейінгі кезеңде тұрақты қарулы топтың (банданың) көшбасшысы және қатысушысы бола отырып, қазіргі Солтүстік Қазақстан және Ақмола облыстарының аумағында бірқатар аса ауыр қылмыстар жасады, атап айтқанда 5 адамды өлтірді, сондай-ақ азаматтарға шабуыл жасау және бөтен мүлікті ұрлау мақсатында тұрақты қарулы топ құрды.

Ол 2006 жылғы сәуірдің басында 1998 жылғы қаңтардан 1999 жылғы қаңтарға дейінгі кезеңде ауыр және аса ауыр қылмыстар жасағаны үшін іздеуде болды. Қазақстан аумағында өзінің жеке басын куәландыратын құжат ретінде көрінеу жалған құжатты пайдаланып,.тергеу және сот органдарынан жалтару мақсатында жасырынып жүрді.

"К.-нің қылмыстық әрекеттерін сот куәгерлердің айғақтары және сот зерттеген сараптама қорытындылары негізінде, сондай-ақ ұйымдастырған қарулы топтың (банданың) басқа да айыпталушыларына қатысты 1999 жылғы 13 желтоқсандағы сот зерттеген үкімі негізінде анықтады.

Жаза тағайындау кезінде сот жеңілдететін мән-жайлардың болмауын, қылмыстық жауаптылық пен жазаны ауырлататын қатаң жаза тағайындауды сұраған жәбірленушілердің ұстанымын және қылмыстық құқық бұзушылықтар жасаудағы, қаруды пайдалана отырып қылмыс жасаудағы, сондай-ақ билік өкілінің нысанды киімін пайдалана отырып қылмыстық құқық бұзушылық жасаудағы ерекше белсенді рөлін назарға алды", - делінген сот хабарламасында.

Қылмыстық кодекстің 96-бабы 2-бөлігі бойынша (1997 жылғы редакциясында) төтенше қауіпсіздік қылмыстық-атқару жүйесі мекемесінде жазасын өтей отырып, өмір бойы бас бостандығынан айыру түріндегі жаза тағайындалған. Қылмыстық кодекстің 69 бөлігінің 5-бабының негізінде (1997 жыл редакциясында) өмір бойы бас бостандығынан айыру 25 (жиырма бес) жыл мерзімге бас бостандығынан айыруға ауыстырылды.

Үкім заңды күшіне енген жоқ.