Желіде жалған ақпарат таратқан қостанайлық блогер сотқа тартылды

Қостанайда көліктің әйнегін қараңғылау туралы жалған ақпарат таратқан блогерге айыппұл салынды. Бұл туралы облыстық сотқа сілтеме жасаған KAZ.NUR.KZ хабарлайды.

Сот ақпаратынша, блогерге жалған ақпарат жариялағаны үшін айыппұл салынады

Қостанай қаласының әкімшілік құқық бұзушылық жөніндегі мамандандырылған соты ӘҚБтК 456-2-бабының 5-бөлігі (жалған ақпарат орналастыру, тарату) бойынша азамат П.-ға қатысты әкімшілік құқық бұзушылық туралы істі қарады.

Әкімшілік құқық бұзушылық туралы хаттамаға сәйкес 2024 жылғы 25 шілдеде П. әсер етуші (блогер) бола отырып, кәсіпкерлік қызмет мақсатында әлеуметтік желіде және онлайн-платформада автомобильдердің алдыңғы және алдыңғы-бүйір әйнектерін бояу (тонировка) туралы жалған ақпаратты орналастырған.

Сот отырысында азамат кінәсін мойындап, блогер ретінде әлеуметтік желілерде көлік құралдарында әйнек бояуға рұқсат беру туралы тексерілмеген ақпаратты жариялағанын растады.

Сот қаулысымен азамат кінәлі деп танылды, 77 532 теңге көлемінде айыппұл түрінде әкімшілік жазаға тартылды.

Сот шешімі заңды күшіне енген жоқ.