Шарлапаев Ресейде утильалымның өсуі Қазақстандағы көлік нарығына қалай әсер етуі мүмкін екенін айтты

Өнеркәсіп және құрылыс министрі Қанат Шарлапаев үкімет отырысы аясында өткен баспасөз мәслихатында Ресейдегі утильалымының өсуі Қазақстандағы автомобиль нарығына қалай әсер етуі мүмкін екенін айтты. Бұл туралы KAZ.NUR.KZ тілшісі хабарлайды.

"Мен көршілеріміздің утиль алымға қатысты қалай әрекет ететінін бірден атап өтіп, назар аударғым келеді. Олар оны көтереді. Бүгін Қырғызстанды мысал келтіргендерге айтарым, олар да утиль алым жинағын енгізуді жоспарлап отыр. Бұл жерде Қазақстан көлемі мен бастапқы тіркеу және кәдеге жарату алымы жағынан көршілерден едәуір артта қалғанын түсіну керек", - дейді Шарлапаев.

Ол Қазақстандағы автомобиль бағасына Ресейде утиль алымының өсуі әсер етпейтінін, бірақ ескі автомобильдер пайда болуы мүмкін екенін айтты.

"Баға айырмашылығына байланысты бізде, өкінішке қарай, экологияға зиян келтіретін және жолдарда өте қауіпті жағдай туғызатын ескі көліктердің үлкен ағыны болуы мүмкін. Мұндай тәуекел жоғары, мұны автохлам деп атайық, бізден басқа елдер заңнамалық шараларды құру арқылы импорттан қорғайды. Міне, осының артуына байланысты автохлам Қазақстанға ағылып, біздің азаматтарымызға жолдарда жүру әлдеқайда қауіпті болады деген қауіп бар. Мен мұндай тәуекелді өте маңызды деп санаймын", - деп қосты министр.

Естеріңізге сала кетейік, бұған дейін Қазақстан сарапшылары Ресейде утиль алымының мөлшерлемесін көтеру жоспарлары туралы мәлімдегеннен кейін автомобильдер бағасының ықтимал өсуі туралы болжам жасаған болатын.

Ресейдің экономикалық даму министрлігі 2030 жылға дейін утиль алым төлемдерінің жыл сайынғы өсуін ұсынған. Егер мұндай шешім қабылданса, онда бірнеше жыл ішінде бір-екі литрлік қозғалтқыштары бар жеңіл машиналарға утиль алым төрт есе артады.