"Горельник" термалды бұлағын салған алматылық кәсіпкер Спицын мәлімдеме жасады (видео)

Кәсіпкер Сергей Спицын "Горельник" бұлағының жағдайы нашар еместігін, бәрі өз бақылауында екенін айтты, деп хабарлайды KAZ.NUR.KZ.

Ол қазіргі уақытта ыстық бұлақтың жағдайы нашар екендігі жайлы ақпаратты жоққа шығарды.

Айта кетейік, бұған дейін әлеуметтік желілерде киім ауыстыру кабиналары қоқысқа толып, жалпы емдеу аймағының астаң-кестеңі шығып жатқанын көрсеткен бейнежазба тараған болатын.

Кейінірек бұл бейнежазбаның бірнеше жыл бұрын түсірілгені анықталды. Сол кезде бұлақ аумағын тазалау және оны таза ұстау мәселесін экобелсенді дереу шешкен.

Қазір меценат тәртіпті қадағалауды жалғастырып отырғанын айтып, жақында мұнда дәретхана салуға уәде берді.