Каспий теңізінің жағалауында өрт шықты: жолдың жоқтығынан оны сөндіру мүмкін болмады

Ақтау тұрғындары түннен бері жағымсыз күйік иісін сезінуде. Маңғыстау облысының Төтенше жағдайлар департаменті иіс қамыстың жануынан шыққанын, бірақ оны сөндіру мүмкін болмай тұрғанын мәлімдеді деп хабарлайды Lada.kz-ке сілтеме жасаған KAZ.NUR.KZ.

Басылымның мәліметіне сәйкес, ақтаулықтар 18 тамызға қараған түннен бері шығып тұрған күйіктің иісіне жаппай шағымдануда.

Таңғы сағат 6-да ауаның ластану деңгейі өте жоғары болды.

Жұрт жағымсыз иістің шығуына 17 тамызда Ақтау маңындағы қоқыс полигонының өртеніп, кейін лаулауы себеп болуы мүмкін деген болжам айтты. Алайда Маңғыстау облысының Төтенше жағдайлар департаменті 17 тамызда Атырау облысының Исатай ауданында қамыс жана бастағанын хабарлады.

"Сағат 15:30-да Жанбай ауылынан 20 шақырым жерде (Өрт сөндіру бекетіне дейін 50 шақырым) Каспий теңізінің жағалауында, жетуге қиын батпақты аймақта қамыс жана бастады.

Жер асты жолдардың жоқтығынан сөндіру мүмкін болмады (аудан анықталып жатыр). Елді мекендерге қауіп төніп тұрған жоқ. Құтқарушылар мониторинг жүргізіп жатыр", - деді облыстық Төтенше жағдай департаменті.

Сондай-ақ басқарма облыс орталығы маңындағы полигонның лаулап тұрғанын да атап өтті.