Қазақстанда онлайн несие беруге тыйым салу туралы петиция қабылданбады
Жарияланған күні:
Модерация кезеңінде онлайн несие беруге тыйым салу туралы өтініш қабылданбады. Бұл туралы KAZ.NUR.KZ "Ұлттық ақпараттық технологиялар" АҚ-ға сілтеме жасап хабарлайды.
Компанияның баспасөз қызметі бұл петиция биыл 12 тамызда электронды e-petition порталында пайда болғанын мәлімдеді. Модератор Қазақстан Республикасы Мәдениет және ақпарат министрлігі болды.
"ҰАТ" АҚ мәліметінше, модерация 20 жұмыс күніне дейін созылатынын атап өтті. Тікелей сілтеме арқылы дауыс беру мүмкіндігі уәкілетті орган бекіткеннен кейін пайда болады және ол 50 дауыс жинағаннан кейін сайтта қолжетімді болады.
Алайда петиция модерациядан өтпей, мемлекеттік орган оны қабылдамады.
Сондай-ақ компания "ҰАТ" АҚ сайтқа тек техникалық қолдау көрсететінін хабарлады, оларда бұл шешімнің себептері туралы ақпарат жоқ.
Бұл петицияның қабылданбауына қатысты түсініктеме алу үшін KAZ.NUR.KZ тілшілері Мәдениет және ақпарат министрлігінің баспасөз қызметіне жүгінді.
Мақаланың түпнұсқасы: https://kaz.nur.kz/society/2151393-qazaqstanda-onlain-nesie-beruge-tyiym-salu-turaly-petitsiia-qabyldanbady/
