Кинопоиск-тың бірінші қазақстандық жобасы SHULAMAH фильмі онлайн көруге қолжетімді

SHULAMAH фильмінің онлайн-премьерасы видеосервисте бүгіннен бастап эксклюзивті түрде қолжетімді. Көрермендер музыкалық драманы Кинопоиск сервисінен көріп, ал фильмнің саундтрегін Яндекс Музыкадан тыңдай алады.

SHULAMAH кинотеатрдағы прокаттан кейін көрермендердің жүрегін жаулап алған еді, енді фильм онлайн ұсынылды. Бұл фильмді көптеген адамдар «жылдың ең сәнді және музыкалық жобасы» деп атады, ол Қазақстандық жастар үшін нағыз серпін беретін оқиғаға айналып, оларды да қиындықтарға қарамастан өз армандарына жетуге ынталандырады.

Онлайн-премьераға арнайы Кинопоиск эксклюзивті контент дайындады, ол көрермендерге фильмнің әлеміне тереңірек енуге мүмкіндік береді. Яндекс Музыкамен бірге арнайы бөлім жасалды, онда фильмнің тректерін тыңдап қана қоймай, сонымен қатар фильмнің авторлар тобымен сұхбаттарды оқуға болады.

Плейлисттер:

• Фильм аясында құрылған SHULAMAH тобының альбомы
• «SHULAMAH» фильміне арналған саундтрек

Басты рөлдерді ұлттық кастингтен өткен жас актерлар сомдап, фильмге сергектік пен шынайылық қосты. Белгілі қазақстандық әртістермен бірлесіп жасалған фильмнің музыкалық сүйемелдеуі сюжеттің бірегейлігін көрсетеді және көрермендерге эмоционалдық әсерін күшейтеді.

"Фильмнің идеясы бұрыннан пайда болған. Біз музыканы жақсы көреміз және әрқашан Қазақстандық музыка туралы фильм немесе сериал түсіруді ойлайтынбыз," — дейді режиссерлердің бірі Айторе Жолдаскали.

Басты рөлдерді сомдаған Демеу мен Досан жаңа тректермен жұмыс істеп, музыкалық мансаптарын жалғастыруда. Олар болашаққа қойған жоспарларымен бөлісіп, жаңа альбом бойынша жұмыстарын айтып берді.

"Біз топты дамытуды жоспарлап отырмыз және қазірдің өзінде бірнеше жаңа трек жаздық," — деп бөліседі Демеу Атымтаев (Dem) және Досан Кеншимбаев (dododowson).

"Мен музыкант болмасам да, осы жобаның бір бөлігі болғаныма қуаныштымын және жігіттерге сәттілік тілеймін," — дейді жобаның қатысушыларының бірі Алмаз Мержақыпов.

Анықтамалық ақпарат: SHULAMAH — бұл туған қалаларын тастап, сәтті рэпер болу үшін Алматыға аттанған үш достың тарихын баяндайтын музыкалық драма. Бұл фильм — жастардың армандары мен амбицияларына арналған нағыз гимн, ол кең аудиторияның ықыласына бөленді. Рэп-индустрия, достық, армандар мен кедергілерді жеңу туралы фильм. Режиссерлер әсерлі әрі жан тебірентерлік оқиғаны ұсынды, бұл ешкімді бейжай қалдырмайды.