Биыл 1 қыркүйекте Алматы мектептерінде алғашқы қоңырау соғылмайды

Алматы қаласының мектептерінде алғашқы қоңырау демалыс күніне байланысты 2 қыркүйек өтеді. Бұл туралы KAZ.NUR.KZ тілшісі хабарлайды.

Бұл туралы Алматы қаласының білім басқармасы басшысының орынбасары Айдын Сайлаубай ӨКҚ өткен брифингте айтты.

"Білім басқармасымен келісілгендей, 1 қыркүйек – демалыс күні, ал 2 қыркүйекте таңертең салтанатты жиын болады. Дәстүр бойынша бірінші сынып оқушыларына алғашқы қоңырау соғылады. Жиын ұзаққа созылмайды, барлық мектепте шамамен 10-15 минут өтеді", – деді Сайлаубай.

Бұған дейін білім министрі Ғани Бейсембаев елімізде алғашқы қоңырау 1 қыркүйекте өтетінін, басқа күнге ауыстырылмайтынын айтқан.