Түркістан қаласында жаңа саябақ ашылды

Түркістан қаласында аумағы 3 гектар болатын жаңа саябақ ашылды. Оның аумағына 3500 түп ағаш отырғызылды, деп хабарлайды KAZ.NUR.KZ Түркістан облысы әкімдігінің ресми сайтына сілтеме жасап.

Түркістан қаласында Конституция күніне орай Бекзат тұрғын алабында қала тұрғындарының ұсынысына сай жаңа саябақ ашылды.

Жалпы аумағы 3 гектар болатын саябақта тұрғындар мен қала қонақтарының тынығуына қолайлы жағдай жасалған. 24 мың шарты метр аумақ көгалдандырылып, 3500 ағаш отырғызылған.

"Аумақта балаларға арналған ойын алаңшасы мен воркаут алаңы орнатылған. Мерекелік кештерді өткізуге арналған сахна да қарастырылған, келушілер үшін 1200 шаршы метрді құрайтын автотұрағы да бар. Одан бөлек, 20 орындық пен 20 қоқыс жәшігі орнатылып, аяқ жол тақтайшалары төселген. Арнайы транформатор орнатылып, саябақ толық қоршалған. Жауапты мердігер мекеме саябаққа көгалдандыру жұмыстарын өз есебінен жүргізіп отырады", - делінген әкімдіктің хабарламасында.

Айта кетейік, Түркістан қаласында 318 гектар жерді алып жатқан 32 саябақ бар. Ал жалпы қолданыстағы күтіп-баптау аймағында жасыл-желекті 288 нысан бар. Олардың 75-і гүлзар мен аллеялар.