"Сегіз қырлы, бір сырлы": көшеде ән салған Өскемен әкімі тұрғындарды таңғалдырды (видео)

Конституция күнін мерекелеу кезінде Өскемен әкімі Жақсылық Омар халықпен арасында көзге түсті. Қала басшысы танымал әнді шырқап, тұрғындарды таңғалдырған, деп жазады KAZ.NUR.KZ.

Видеожазба Instagram-дағы "Біздің Өскемен" парақшасында жарияланған. Жақсылық Омар қала тұрғындары мен қонақтарына "МузАРТ" тобының танымал әнін шырқап берген.

"Караоке алаңында әкім де өлең айтып жатыр екен. Мереке құтты болсын!", - делінген жазбада.

Мұны көрген желі қолданушылары әкімнің өнерін жоғары бағалаған.

"Мықты біздің әкім", "Жан-жақты әкім", "Жақсылық Омар жақсы әкім деп үнемі айтамын", "8 қырлы, 1 сырлы", "Жарайсың, "әкім болсаң халыққа жақын бол " деген", "Ер азамат осындай болу керек", "Біздің әкім жан-жақты", - деп жазуда көпішілік.