Қазақстанда никабқа тыйым салынуы мүмкін бе: ҚМДБ басшысы пікір білдірді

Қазақстанның бас имамы Наурызбай қажы Тағанұлы министрлер кабинетінің кулуарында никабқа тыйым салу мүмкіндігіне қатысты пікір білдірді. Бұл туралы KAZ.NUR.KZ хабарлайды.

"Біз, Қазақстан мұсылмандар діни басқармасы, діннің негізін насихаттаймыз. Осы ретте біз никаб бетті жабатын киім екенін түсінуіміз керек. Шариғат мұндай киім киюді міндеттемейді", - деді Наурызбай қажы Тағанұлы.

Осы тұста бас имам ҚМДБ заңнамалық ведомство емес екенін, ол тек дін нормаларын халыққа түсіндіретінін түртіп өтті.

"Заңға келетін болсақ, ол өздігінше қабылданады. Біз заңға бағынамыз. Шариғат бойынша әрбір кәмелетке толған қыз орамал тағуы керек. Намаз оқитын әрбір қыздың құқығы бар: ол орамал таққысы келсе, рұқсат. Біз оның құқығын сыйлауымыз қажет.

Егер мектеп оқушысы кәмелетке толса, орамал тағады. Бірақ мектептің де өз ережесі бар. Ал білім алу – адамдардың дәл сондай міндеттерінің бірі. Балалар сауатсыз болмауы қажет. Мұны пайғамбарымыз айтып кеткен", - деді бас мүфти.