Алматы облысында кәмелетке толмағандарды сатпақ болған күдікті қамауға алынды
Жарияланған күні:
Алматы облысында полиция кәмелетке толмағандарды саудаға салу фактісін тоқтатты. Бұл туралы Polisia.kz хабарлады.
Басылым мәліметінше, Алматы облысында ұйымдасқан қылмысқа қарсы күрес басқармасының қызметкерлері кәмелетке толмағандардың заңсыз саудасына күдікті қылмыстық топтың қызметін сәтті тоқтатқан.
Облыстық ПД бастығы Бауыржан Әленовтің айтуынша, балалар саудасы туралы ақпарат әлеуметтік желіде 25 тамызда жарияланған.
"28 тамызда жедел-іздестіру іс-шаралары барысында Қызылорда облысының тумасы 38 жастағы күдікті анықталды. Кәмелетке толмағандарды сату дерегі бойынша қылмыстық іс қозғалды", – деп атап өтті Алматы облысы ПД бастығы Бауыржан Әленов.
Күдікті қамауға алынды. Қазіргі уақытта барлық қажетті тергеу шаралары жүргізілуде.
Мақаланың түпнұсқасы: https://kaz.nur.kz/society/2156454-almaty-oblysynda-kameletke-tolmagandardy-satpaq-bolgan-kudikti-qamauga-alyndy/
