Қазақстандағы жанармай құю станцияларында кімге автогаз құюға тыйым салынуы мүмкін

Арнайы жапсырмасы жоқ газбен жүретін автомобильдер автогаз құю станцияларын пайдалану мүмкіндігінен айырылуы мүмкін. Ал кейбір станцияларды толығымен алып тастау жоспарланып отыр. Бұл туралы KAZ.NUR.KZ хабарлайды.

Kolesa.kz ақпаратына сүйенсек, Энергетика министрлігі газбен жабдықтау туралы заңға түзетулер дайындаған.

Министрлік газ баллон жабдықтары бар автомобильдерге қатысты мәселе көтермек: құжат жобасында "тиісті таным белгілері жоқ, сондай-ақ ішкі істер органдарында тиісінше тіркелмеген көліктерге сұйытылған мұнай газын құюға" тыйым салу ұсынылған.

Бұл ретте Сауда министрлігі жапсырмасы болмаса, жүргізушілер жазалануы мүмкін екенін хабарлаған.

"Белгі газ баллон жабдықтарымен жарақтандырылған автомобильдер үшін міндетті, сондықтан жапсырма болмаған жағдайда 3 АЕК мөлшерінде айыппұл қарастырылған (Биылғы коэффициент бойынша 10 350 теңге – ред. ескертпесі)", - деп түсіндірді министрлік.

Kolesa.kz хабарлауынша, жобада тағы бірнеше шектеу енгізу көзделген. Соның ішінде:

• көлік құралдарына сұйытылған мұнай газын автогаз құю станцияларынан (АГҚС) тыс жерде құюға;
• тұрмыстық баллондар мен көлік құралдарына автогаз тасығыштардан сұйытылған мұнай газын құюға;

10 мыңнан аса халқы бар елдімекенде модульдік үлгідегі және стационарлық үлгідегі сұйытылған мұнай газын жерүсті газы бар АГҚС арқылы бөлшек саудада өткізуге тыйым салуды көздейді.

"Соңғы тармақты бөлек атап өткен жөн. Қазіргі уақытта АГҚС-ты қалалар мен кенттерде орналастыру құрылыс және санитарлық нормалармен реттеледі. Оларда жанармай құю станцияларының тұрғын үй объектілерінен қашықтығы ғана ескертіледі, сондай-ақ қауіпсіздікке қойылатын басқа да бірқатар талап белгіленеді.

Елдің батыс аймақтарында модульдік АГҚС әр бұрышында кездеседі. Бірақ қазір Энергетика министрлігі мұндай жанармай құю станцияларын ірі елдімекендерден алып тастауды ұсынады", - деп хабарлайды дереккөз.

Осылайша, ГБЖ бар автокөлік иелеріне шектеулерді болдырмау үшін тиісті жапсырманы орнату қажет болуы мүмкін. Ал кейбір елді мекендерде автогаз құю станцияларының саны азаюы ықтимал.