Астанада "Елорда жастары" бағдарламасына өтінім қабылдау басталды: оның шарттары қандай

4 қыркүйектен бастап Астанада "Елорда жастары" жеңілдетілген несиелеу бағдарламасына қатысуға өтінімдерді қабылдау басталды. Бұл туралы қала әкімдігі Telegram-дағы арнасында хабарлады.

Ипотекалық бағдарламаға құжат қабылдау қыркүйекте басталды. Ол 10 қыркүйек сағат 23:59-ға дейін жалғасады. Бағдарламаға қатысу үшін онлайн өтініш беру жеткілікті.

Өтінім беру үшін ЖСН, e-mail, телефон нөмірі және ЭЦҚ (RSA/GOST сертификаттары) сияқты қажетті деректерді толтыра отырып, birge.astana.kz  порталында тіркелу қажет.

• Бағдарламаның негізгі шарттары: қарыздың ең жоғары сомасы – 18 млн теңге;
• бастапқы жарна – 10%;
• қарыз бойынша мөлшерлеме – жылдық 5% ;
• несиелеу мерзімі – 19 жылға дейін.

Бағдарламаға Астана мекемелері мен ұйымдарының, соның ішінде медицина және педагог қызметкерлердің, мәдениет, спорт, әлеуметтік қорғау саласындағы мамандардың, ЖОО мен ҒЗИ, журналистердің, коммуналдық кәсіпорындар қызметкерлерінің, полицияның, Төтенше жағдайлар департаментінің, "Қазпошта" АҚ филиалдарының бейінді қызметкерлерінің, сондай-ақ 35 жасқа дейінгі азаматтардың бейінді қызметкерлері, "жетім балалар, ата-анасының қамқорлығынсыз қалған балалар" санатында есепте тұрған балалар қатыса алады.

Бағдарлама туралы толығырақ Астана қаласының тұрғын үй және тұрғын үй инспекциясы басқармасының сайтынан білуге болады.