"Бұтадан бұтаға жүгіреді": Алматы тұрғыны Досаевқа қала орталығында егеуқұйрықтар жүргенін айтты

Алматыдағы Бостандық ауданының тұрғындарымен кездесуінде қала әкімі Ерболат Досаевқа қалалықтар 28-панфиловшылар саябағындағы егеуқұйрықтарға шағымданды. Бұл туралы KAZ.NUR.KZ тілшісі хабарлайды.

"Осы демалыста 28-панфиловшылар саябағында серуендеп жүргенде, егеуқұйрықтың күнге қыздырынғанын көрдім. Демалыс күндері алаңға жиі шығамын, сол кезде егеуқұйрықтардың бұтадан бұтаға жүгіріп жүргенін байқаймын. Шетелдіктер "сіздерде де егеуқұйрықтар бар екен ғой" деп жатады. Арықтарда жүгіріп жүреді, бұл біз үшін жиілеп кеткен көрініс болды", - деді тұрғын.

Әкім оған шағымдар Open Almaty мекемесіне келіп түсетінін, кейін оны әкімнің өзі қарап шыққанын айтты.

"Ондай нәрсе жоқ, өйткені бізде көптеген ақпарат құралдары, арналар, чаттар бар. Егер фактілер болса, бірден айтылар еді. Әдетте біздің шетелдік қонақтар болған жағдайды бірден көрсетеді. Біз зиянкестермен күресу қызметін нығайтқанымызды айта аламын. Ол айтарлықтай күшейтілді, техникалық жабдықталған, негізгі проблемалар жоқ.

Қаланың ескі аудандарында да мәселе көп болатын, қазір тіпті көктемде ондай шағымдар жоқ. Ал фактілер болса, қызмет дайын, аудан әкімдері хабардар. Тиісті тапсырманы Медеу ауданының әкіміне беремін", - деді Досаев.